वडील आणि मुलीच्या नात्याला काळिमा फसणारी घटना उघडकीस

छत्रपती संभाजी नगर: छत्रपती संभाजी नगर येथे एक धक्कादायक घटना उघडकीस आली आहे. वडील आणि मुलीच्या नात्याला काळिमा फासणारी ही घटना आहे. नराधम बापाने आपल्या पोटच्या लेकीवर बलात्कार केला. हा प्रकार तब्बल दोन वर्षांपासून सुरू होता. धक्कादायक म्हणजे, ही बाब आईला सांगूनही तिने देखील या घटनेकडे भीतीपोटी दुर्लक्ष केले. अखेर हा त्रास असह्य झाल्याने पीडित मुलीने पोलिस ठाण्यात जात आपली आपबीती सांगितले तेव्हा पोलीसही गहिवरले. पोलिसांनी या प्रकरणी गुन्हा दाखल केला आहे.

पोलिसांनी दिलेल्या माहितीनुसार पीडित मुलगी ही १४ वर्षांची असून ती १२ वर्षांची असतांना पासून आरोपी बापाने तिच्यावर अत्याचार करण्यास सुरवात केली. पीडित मुलगी ही मोठी आहे. तिला आणखी एक छोटी बहीण आहे. असे असताना देखील नराधम बाप मुलीला छळत होता. त्याने तिच्या सोबत अश्लील चाळे करण्यास सुरुवात केली होती. या प्रकाराला विरोध केल्यास नराधम बाप तिला मारहाण करत होता. हा प्रकार मुलीने आईला सांगितला मात्र, ती गर्भवती असल्याने तिने मुलीलाच शांत बसण्यास सांगितले. दरम्यान, बापाने मुलीवरील अत्याचार सुरूच ठेवले.