माजी मंत्री आमदार अमित विलासराव देशमुख यांच्या हस्ते लातूर शहरातील गाव भागातील विलासराव देशमुख शासकीय वैद्यकीय महाविद्यालयाच्या विस्तारीत स्त्रीरोग व बालरोग रुग्णालयाच्या इमारत बांधकामाचे भूमिपूजन
लातूर (प्रतिनीधी) : राज्यात महाविकास आघाडीचे सरकार असताना वैद्यकीय शिक्षण मंत्री म्हणून माझ्याकडे कार्यभार होता. विलासराव देशमुख शासकीय वैद्यकीय महाविद्यालयाच्या शेजारी सुपरस्पेशलिटी हॉस्पिटल 300 खाटाचे आहे. या रुग्णलयाचे असे विस्तारीत अदययावत रुग्णालय लातूर येथील गावभागातील पटेल चौक येथे व्हावे यासाठी प्रयत्न केले आणि त्याला आज मुर्त रुप आल्याचे आपण पाहतो, असे माजी मंत्री आमदार अमित विलासराव देशमुख यांनी म्हटले.
राज्याचे माजी वैद्यकीय शिक्षण सांस्कृतिक कार्यमंत्री तथा लातूरचे माजी पालकमंत्री आमदार अमित विलासराव देशमुख यांच्या हस्ते बुधवार दि. ९ ऑक्टोबर रोजी दुपारी लातूर शहरातील गाव भागातील पटेल चौक परिसरातील विलासराव देशमुख शासकीय वैद्यकीय महाविद्यालय व रुग्णालय येथील स्त्रीरोग प्रसूतीशास्त्र विभाग व बालरोगशास्त्र विभागासाठी १८९ खाटांचे स्वतंत्र नवीन रुग्णालय इमारत बांधकामाचे भूमिपूजन करण्यात आले या प्रसंगी ते बोलत होते.
यावेळी लातूर शहर जिल्हा काँग्रेस कमिटीचे अध्यक्ष किरण जाधव, विलास को-ऑपरेटिव्ह बँकेचे व्हाईस चेअरमन समद पटेल, माजी महापौर दीपक सूळ, सार्वजनिक बांधकाम विभागाचे कार्यकारी अभियंता देवेंद्र निळकंठ, उपविभागीय अभियंता राजेंद्र बिराजदार, शाखा अभियंता प्रसाद स्वामी, चंद्रकांत धायगुडे, गोरोबा लोखंडे, दगडूआप्पा मिटकरी, गिरीश ब्याळे, सचिन बंडापले, इमरान सय्यद, विष्णुदास धायगुडे, युनूस मोमीन, संजय म्हेत्रे, गोपाळ बुरबुरे, रमाकांत गडदे, प्राध्यापक प्रवीण कांबळे, अभिषेक पतंगे, तबरेज तांबोळी, आयुब मणियार, व्यंकटेश पुरी, एडवोकेट फारुक शेख, पवन सोलंकर, निजाम शेख, अभिषेक पतंगे, प्राध्यापक प्रवीण कांबळे, सत्तार शेख, इसरार पठाण, रमाकांत गडदे, रामलिंग ठसे आदिसह काँग्रेस पक्षाचे विविध पदाधिकारी कार्यकर्ते सर्व बूथप्रमुख प्रभागातील नागरिक उपस्थित होते.
गावभागातील पटेल चौक येथे होणारे विलासराव देशमुख शासकीय वैद्यकीय महाविद्यालय (विस्तारित) रुग्णालय अदययावत आणि सर्व सोयीसुवीधायुक्त होणार आहे. या रुग्णालयात खालील प्रमाणे सोयीसुवीधा असणार आहेत
· लातूर शहरातील गावभागातील पटेल चौक येथे १०० कोटी रुपये खर्च अद्ययावत स्त्री व बाल रुग्णालय
· दोन तळघर + तळमजला + ५ मजली भव्य रुग्णालय इमारत
· २०० बेडसह सर्व प्रकारच्या अद्ययावत सोयी सुविधांनी रुग्णालय सज्ज होणार
· बाह्य रुग्णालय कक्ष
· महिला व बालकांच्या दुर्धर आजारांवर उपचार
· लातूर शहर आणि जिल्ह्यातील महिला व बालकांना चांगले उपचार
· वैद्यकीय महाविद्यालयात पदव्युत्तर शिक्षणासाठी अधिक जागा मंजूर होण्याची शक्यता
गोरगरीब नागरिकांना सुलभ वैद्यकीय सेवा उपलब्ध
माजी मंत्री आमदार अमित विलासराव देशमुख म्हणाले की, लातूर शहराच्या जुन्या गावभागामध्ये महाराष्ट्र शासनाच्या वैद्यकीय शिक्षण विभागामार्फत विलासराव देशमुख शासकीय वैद्यकीय महाविद्यालयाच्या विस्तारीत रुग्णालयाच्या इमारतीचे भूमिपूजन होत आहे. हा आज माझ्यासाठी आनंदाचा दिवस आहे. राज्यात महाविकास आघाडीचे सरकार असताना वैद्यकीय शिक्षण मंत्री म्हणून माझ्याकडे कार्यभार होता. विलासराव देशमुख शासकीय वैद्यकीय महाविद्यालयाच्या शेजारी सुपरस्पेशलिटी हॉस्पिटल 300 खाटाचे आहे गावभागातील रुग्णालय इमारत मोडकळीस आली होती धोकादायक झाली होती असे त्यांनी सांगितले. पुढे बोलताना ते म्हणाले की, महाराष्ट्र विधानसभेच्या निवडणुका केव्हाही जाहीर होतील सध्या महाराष्ट्रात भ्रष्टाचार खूप वाढलेला आहे. राज्यातील महायुती सरकार जाऊन महाविकास आघाडीचे सरकार येईल. या रुग्णालयात वैद्यकीय शिक्षण दिले जाईल, प्रभाग क्रमांक १, २, ६, ७, ८, ९, १० यामधील नागरिकांची या रुग्णालयात सोय होणार आहे. या भागात सामान्य कुटुंबातील रहिवासी आहेत आपण कुठलेही काम अगोदर केले व त्यानंतर सांगितले या रुग्णालयाच्या इमारत बांधकामाची कामे लातूरच्या स्थानिक लोकांना मिळाली पाहिजेत. या रुग्णालयात 300 लोकांना काम मिळेल. येथे फिजिओथेरपी ॲक्युपेशनल थेरेपी करण्यात येईल. आपण गाव भागातील अनेक कामे केली आहेत. काही कामे करायची आहेत गावभागाचा नव्याने विकास आराखडा तयार करावा, महाराष्ट्र विधानसभेच्या निवडणुकीत सर्वांनी महाराष्ट्र धर्म पाळण्याची आवश्यकता आहे. महाराष्ट्राची सत्ता महाराष्ट्राच्या हाती असावी ती गुजरातच्या हाती नसावी. सर्व धर्मीय एकत्र मिळून आपण काम करूया सध्या समाजामध्ये तेढ निर्माण करण्याचे प्रयत्न सुरू आहेत. लातूरमध्ये गुन्हेगारी वाढत आहे. कालच बस स्टॅन्ड पाशी खून झाला, त्याचा तपास करण्याच्या आम्ही पोलिसांना सूचना दिल्या आहेत. प्रत्येकाने सामाजिक सलोखा बिघडणार नाही याची काळजी घ्यावी. लातूरला आपण नेहमी सुरक्षित ठेवले आहे असे त्यांनी सांगितले.
यावेळी लातूर शहर जिल्हा काँग्रेस कमिटीचे अध्यक्ष किरण जाधव, सार्वजनिक बांधकाम विभागाचे कार्यकारी अभियंता देवेंद्र निळकठ यांनी आपले मनोगत व्यक्त केले तर शेवटी आभार दगडूआप्पा मिटकरी यांनी मानले.
माजी मंत्री आमदार अमित विलासराव देशमुख यांनी गावभागातील महिलांनी पुढाकार घेऊन बांधलेल्या खंडोबा महादेव मंदिर येथे जाऊन दर्शन घेतले.
