कमलनाथ काँग्रेसच्याच अंगणात? ‘हात’ सोडणार नाही; भेटीनंतर पक्षनेत्याचा दावा!

काँग्रेसचे ज्येष्ठ नेते कमलनाथ यांनी दिल्लीत तळ ठोकला आहे. त्यांचे जवळचे समर्थकही आता दिल्लीत पोहोचले आहेत. कमलनाथ हे भारतीय जनता पक्षात प्रवेश करणार असल्याच्या शक्यतांना उधाण आले असतानाच आता यामध्ये नवा ट्विस्ट आला आहे. काँग्रेसचे नेते सज्जन सिंह वर्मा यांनी कमलनाथ यांची भेट घेतली आहे. यानंतर त्यांनी सांगितले की, कमलनाथ काँग्रेस पक्ष सोडण्याच्या विचारात नाहीत.कमलनाथ यांच्याशी दिल्लीत भेट घेतल्यानंतर काँग्रेसचे नेते सज्जन सिंह वर्मा म्हणाले, “कमलनाथ यांच्याशी सविस्तर चर्चा केली आहे.कमलनाथ यांनी मला सांगितले की, सध्या त्यांचे लक्ष मध्य प्रदेशातील 29 लोकसभा जागांवर जातीय समीकरणे कशी सोडवायची यावर आहे. कमलनाथ यांनी (पक्ष सोडण्याबाबत) कोणताही विचार केलेला नाही. त्यांच्या पक्ष सोडण्याच्या चर्चा केवळ माध्यमांमध्ये आहे.”

चर्चांना उधाण –

मध्य प्रदेशचे माजी मुख्यमंत्री कमलनाथ भाजपमध्ये प्रवेश करणार असल्याची जोरदार चर्चा मागील काही दिवसांपासून रंगत आहेत. त्यांचे पुत्र खासदार नकुलनाथ यांच्यासह जवळपास बारा आमदार, तसेच माजी आमदारांना सोबत घेऊन ते काँग्रेसला भगदाड पाडणार असल्याची चर्चा रंगत होती.

#WATCH | Delhi: After meeting former Madhya Pradesh CM Kamal Nath, Congress leader Sajjan Singh Verma says, "I had a discussion with him (Kamal Nath). He said that right now his focus is on how the caste equations will be on 29 Lok Sabha seats in Madhya Pradesh. He said that he… pic.twitter.com/LPmTaGNSvX

— ANI (@ANI) February 18, 2024