निलंगा -येथील महाराष्ट्र तंत्रनिकेतन डी फार्मसी इन्स्टिट्यूटने अलीकडेच ग्रामीण पॉलिटेक्निक आणि व्यवस्थापन परिसर, नांदेड येथे IEDSSA दरम्यान खो-खो, कबड्डी आणि ऍथलेटिक्सच्या विविध स्पर्धांमध्ये महाविद्यालयाने सक्रिय सहभाग घेतला. G-2 झोनमध्ये आयोजित इंटर इंजिनीअरिंग डिप्लोमा स्टुडंटस् स्पोर्ट्स असोसिएशन (IEDSA) च्या सामन्यात सहभाग घेऊन खो-खो स्पर्धेत विजयी ठरला. या खेळत सर्व सामन्यात प्रेम मुळे, यांनी उत्कृष्ट कामगिरी केली. तसेच चव्हाण प्रसाद, केंद्रे आदित्य, पराळे पांडुरंग, पोतदार विष्णू, साळखे मेघराज, इंगोले सौरभ, तिप्पनबोणे वैभव, आगलावे श्रीकृष्ण, पाटील सिध्दार्थ, चोपणे निलेश व हिंगे विशाल या सर्व खेळाडूंनी चांगली कामगिरी केली. तसेच महाविद्यालयाने कबड्डी आणि विविध ऍथलेटिक्स सारख्या खेळातही प्रतिनिधित्व केले.
इडिसाने अभियांत्रिकी व औषधनिर्माणशास्त्र विद्यार्थ्यांना उत्साही स्पर्धा, सौहार्द आणि खिलाडूवृत्ती वाढवण्यासाठी एक व्यासपीठ उपलब्ध करून दिले.निलंग्याच्या महाराष्ट्र फार्मसी संघाने कौशल्य, समन्वय आणि धोरणात्मक पराक्रम दर्शवत, अत्यंत चुरशीच्या झालेल्या सर्वच्या सर्व खो-खो सामन्यात महाविद्यालयाचा संघ विजयी झाला. याव्यतिरिक्त, महाविद्यालयाचा विद्यार्थी प्रेम मुळेने 100 मीटर आणि 200 मीटर धावण्याच्या स्पर्धांमध्ये उल्लेखनीय कामगिरी करत विजयी कामगिरी केली. तसेच लातूर येथील शासकीय महिला तंत्रनिकेतन झालेल्या मुलींच्या सामन्यात पहिल्या दोन सामन्यात संघ विजयी झाला.
विजयी खो-खो संघाचा सत्कार महाराष्ट्र शिक्षण समितीचे अध्यक्ष मा. विजय पाटील निलंगेकर, महाविद्यालयाचे प्राचार्य डॉ भागवत पौळ , प्राचार्य डॉ सिध्देश्वर पाटील, तसेच संघ प्रशिक्षक डॉ अमोल घोडके, डॉ संजय दुधमल, डॉ चंद्रकांत ठाकरे, श्री अविनाश मुळदकर, डॉ चंद्रवदन पांचाळ ह्यांनी केला. यावेळी संस्थेचे अध्यक्ष विजय पाटील निलंगेकर यांनी सर्व खेळाडूंना शुभेच्छा दिल्या व पुढे होणाऱ्या झोनल अंतर्गत सामन्यासाठी आणखी कठोर परिश्रम करुन विजयी होण्यासाठी शुभेच्छा दिल्या . तर महाविद्यालयाचे प्राचार्य डॉ भागवत पौळ यांनी विद्यार्थ्यांनी मिळविलेले यश हे सांघिक असुन सर्वांनी एकत्र व्यवस्थित खेळ केल्यास यश मिळते त्यामुळे यापुढे असेच खेळ करण्याचा व विजयी होण्यासाठी शुभेच्छा दिल्या . अशा यशांमुळे केवळ निरोगी स्पर्धेच्या संस्कृतीला चालना मिळत नाही तर शैक्षणिक क्षेत्राच्या पलीकडे विद्यार्थ्यांच्या सर्वांगीण विकासातही हातभार लागतो असेही त्यांनी सांगितले