देशातील विरोधकांच्या आघाडीने त्यांच्या आघाडीच्या नावाचा शॉर्टफॉर्म INDIA असा केल्यानंतर या नावावरून चांगलेच आरोप प्रत्यारोप आणि वादही सुरू झाला. त्यानंतर आता जयराम रमेश यांच्या दाव्यानंतर एक नवा वाद समोर आला आहे.
आगामी G20 परिषदेसाठी देशांना पाठवण्यात आलेल्या निमंत्रण पत्रिकेत प्रेसिडेंट ऑफ इंडिया ऐवजी प्रेसिडेंट ऑफ भारत असे लिहिण्यात आले आहे. रमेश यांनी सोशल मीडिया वेबसाईट X वर पोस्ट करत याबाबत दावा केला आहे.
G-20 ची बैठक 9 ते 10 सप्टेंबर दरम्यान दिल्लीतील प्रगती मैदानावर होणार आहे. या बैठकीच्या डिनरला उपस्थित राहण्यासाठी राष्ट्रपती भवनातून निमंत्रण पत्रिका पाठवण्यात आली आहे. सरकारने निमंत्रण पत्रिकेत देशाचे नाव बदलल्याचा आरोप काँग्रेस नेते जयराम रमेश यांनी केला. सरकारने निमंत्रण पत्रिकेत INDIA ऐवजी BHARAT लिहिल्याचा आरोप जयराम यांनी केला.
प्रेसिडेंट ऑफ इंडिया ऐवजी प्रेसिडेंट ऑफ भारत लिहिले
काँग्रेस नेत्याने हे सोशल मीडिया प्लॅटफॉर्म X (पूर्वीचे ट्विटर) वर पोस्ट केले. जयरामने लिहिले, ही बातमी खरी आहे. राष्ट्रपती भवनाने 9 सप्टेंबर रोजी G20 डिनरसाठी पाठवलेले आमंत्रण. त्यात प्रेसिडेंट ऑफ इंडिया ऐवजी प्रेसिडेंट ऑफ भारत असे लिहिले आहे.
जयराम यांनी पुढे लिहिले की, संविधानाच्या कलम 1 नुसार, INDIA ज्याला भारत म्हटले जाते, ते राज्यांचे संघराज्य असेल. पण आता राज्यांच्या या संघराज्यावरही हल्ला होत आहे.
असम CM हिमंता सरमा यांनी लिहिले – रिपब्लिक ऑफ भारत
राघव चढ्ढा म्हणाले – इंडियाच्या जागी भारत लिहिले