“१५ दिवसांत सावत्र भावासारखे वागायला लागलात”, निधीवाटपावरून अजित पवार-यशोमती ठाकूर यांच्यात कलगीतुरा!

निधी वाटपावरून केलेल्या आरोपांवर अजित पवार विधानसभेत म्हणाले, “बाळासाहेब थोरातांनी सांगितलं की, सत्ताधारी पक्षातील आमदारांना निधी दिला जातो आणि विरोधी पक्षातील नेत्यांना निधी दिला जात नाही. पण २०१९, २०२० आणि २०२१ या काळात निधीवाटपाबद्दल जे साधारण सूत्र होतं. तेच सूत्र आम्ही पुढे कायम ठेवण्याचा प्रयत्न केला आहे. त्यामध्ये फारसा काही बदल केला नाही.” अजित पवारांच्या या उत्तरावर काँग्रेस नेत्या यशोमती ठाकूर जोरदार आक्षेप नोंदवला.यावरAJIT PAWAR पुढे म्हणाले, “यशोमतीताई, तुम्ही माझ्या भगिनींसारख्या आहात. माझं ऐकून घ्या. माझं ऐकून घेतल्यानंतर तुम्हाला बोलण्याचा अधिकार आहे. राज्यात ज्यावेळी कृषी महाविद्यालयं मंजूर करायची होती. त्यामध्ये CONGRESS नेते बाळासाहेब थोरातांचंही कृषी महाविद्यालय होतं. यालाDHANJAY MUNDE यांनी मुख्यमंत्री आणि उपमुख्य यांची परवानगी घेऊन मंजुरी दिली आहे. आम्ही भेदभाव केला नाही.”यावर यशोमती ठाकूर म्हणाल्या “तुम्ही १५ दिवसांतच सावत्र भावासारखं वागायला लागलात.” यशोमती ठाकूर यांना उद्देशून अजित पवार पुढे म्हणाले, “भावाच्या नात्याने ओवाळणी देतो. काळजी करू नका. तुम्ही चष्मा बदला, सावत्र भावाप्रमाणे माझ्याकडे बघू नका. मी सावत्र बहीण म्हणून तुमच्याकडे बघत नाही.”