कोणी नव्या नोकरीसाठी निघालेलं, कोणी लेक वकील होण्याचं स्वप्न घेऊन परतत होतं…नियतीच्या खेळात सर्वच संपलं

नागपूरहून पुण्याला जाणाऱ्या विदर्भ एक्सप्रेसच्या बसला शनिवारी मध्यरात्री अपघात झाला. विदर्भ ट्रॅव्हल्सची ही एसी स्लीपर कोच बस १ वाजून ३५ मिनिटांच्या सुमारास एका खांबाला, नंतर दुभाजकाला धडकून अपघातग्रस्त झाली. त्यानंतर बसचा डिझेल टँक फुटला आणि बसने पेट घेतला. बसमधील अधिकतर प्रवासी नागपूरमधले होते, तर काही वर्धा आणि यवतमाळचे होते. बुलढाण्यात झालेल्या खासगी बसच्या अपघातात अनेकांचे संसार उद्धस्त झाले असून अनेकांच्या स्वप्नांची राखरांगोळी झाली आहे.

समृद्धी महामार्गावर झालेल्या अपघातात पुण्यातील एक चौकोनी कुटुंब उध्दवस्त झालं आहे. शिरुरमधील एकाच घरातील आई, वडील आणि लेकीचा या अपघातात अंत झाला आहे. कैलास गंगावणे, कांचन गंगावणे आणि त्यांची लेक सई गंगावणे हे तिघं त्यांच्या मुलाच्या सेवा विधी महाविद्यालयात प्रवेश प्रक्रिया करण्यासाठी पुण्याहून नागपुरात गेले होते.

कैलास गंगावणे हे आंबेगाव तालुक्यातील निरगुडसर येथील पंडित जवाहरलाल नेहरू विद्यालयात शिक्षक होते. मुलाच्या प्रवेश प्रक्रियेनंतर कैलास त्यांच्या पत्नी आणि लेकीसह पुण्याला परत येताना अघटित घडलं. कैलास यांची मुलीने सईने एमबीबीएसचं शिक्षण घेतलं होतं. मुलगी डॉक्टर झाली. आता मुलाला वकील करायचं होतं. पण आता पुढे लेकाचं यश पाहण्यासाठी त्याचे आई-वडील, बहीण या जगात नाही. लेकासोबतचा या दाम्पत्याचा अखेरचा फोटो समोर आला आहे.

आपलं स्वप्न पूर्ण करण्यासाठी, आई-वडिलांचे कष्ट कमी करण्यासाठी तेजस वर्ध्याहून पुण्याला निघाला होता. पुण्यात नोकरीवर रुजू होण्यासाठी निघालेल्या तेजसचा बस अपघातात दुर्दैवी अंत झाला. तेजस पोवळेने नुकतंच त्याचं अभियांत्रिकीचं शिक्षण पूर्ण केलं होतं. त्यानंतर लगेचच त्याला पुण्यात नोकरीही लागली. नोकरीवर रुजू होण्यासाठी तो निघाला असताना काळाने घाला घातला.

तेजसच्या घरची परिस्थिती अतिशय हलाखीची आहे. त्याच्या वडिलांनी रामदास पोवळे यांनी हातमजुरी करुन आपल्या लेकाला शिकवलं. तेजसला दहावी-बारावीत गणितात १०० पैकी १०० मार्क्स मिळाले होते. लहानपणापासूनच शिक्षणात अतिशय हुशार असलेल्या तेजसनेही आपल्या आई-वडिलांच्या कष्टाचं चीज केलं होतं. चांगली नोकरीही मिळवली. तेजसचे वडील हातमजुरी करुन फर्निचर तयार करुन संसार चालवत होते. आता लेक हाताशी आलेला, पण नियतीने सर्वचं संपवलं.

अपघातात वर्ध्याच्या अवंती पोहनेकर या इंजिनिअर तरुणीचाही दुर्दैवी अंत झाला. अवंतीच्या वडिलांचं ती लहान असतानाच निधन झालं होतं. त्यानंतर तिच्या आईने एकटीने अवंती आणि तिची बहीण मोनू यांना वाढवलं. मृत अवंतीची बहीण मेघे विद्यापिठात कामाला असल्याची माहिती आहे. अवंतीने मॉडेल म्हणून मोठी प्रसिद्धी मिळवली.

अवंती या बसने वर्ध्याहून पुण्याला नोकरीसाठी निघाली होती. पण शनिवारी समृद्धी महामार्गावर झालेल्या अपघातात तिचा करुण अंत झाला. अपघाताची