जालना : समृद्धी महामार्गावरील अपघातांची मालिका संपता संपत नाहीये. दररोज होणाऱ्या अपघातांमुळे समृद्धी महामार्ग आता वाहन चालकांसाठी डोकेदुखी ठरू लागला आहे. अशातच, आज दुधणवाडी गावाजवळ ट्रक क्रमांक सीजी ०७ सीए ३९८२ हा सिन्नर येथून नागपूरकडे जात असताना ट्रकचा पाठीमागील भाग तुटल्यामुळे काही वेळापूर्वी तो ८० किलोमीटरच्या लेनवर उभा होता. त्याचवेळी मुंबई येथून येलदरीकडे जाणारी पिकअप बोलेरो क्रमांक एमएच ०४ एचडी ०९२९ च्या चालकाने भरधाव वेगाने येऊन ट्रकच्या पाठीमागील बाजूस जोराची धडक दिली.
या अपघातात पीकप बोलेरो गाडीचा चालक मोहम्मद शाहरुख आणि शाहिद हुसेन हे दोघे गंभीर जखमी झाले आहेत. तर त्यांचा सहकारी अब्दुल कादिर मोहम्मद खलील शेख याचा जागीच मृत्यू झाला आहे. चालक मोहम्मद शाहरुख याला पोलिसांनी तातडीने उपचारासाठी छत्रपती संभाजीनगर येथील शासकीय रुग्णालयात हलविण्यात आले आहे. हा अपघात इतका भीषण होता की वेगाने ट्रकवर धडकलेल्या बोलेरो पीकअपचा अक्षरशः चेदामेंदा झाल्याने गाडीत फसलेल्यांना बाहेर काढण्यासाठी पोलिसांना मोठी कसरत करावी लागली.पिकउपमधील चालक शाहिद हुसेन (वय ४०) वर्ष हा किरकोळ जखमी असून मोहम्मद शाहरुख (वय २४) हा गंभीर जखमी आहे. दोन्ही जखमींना डॉक्टर वाळके यांचे सोबत शासकीय रुग्णालय जालना येथे उपचार कामी रवाना केले. तर पिकअप मधील तिसरा व्यक्ती अब्दुल कादीर मोहम्मद खलील शेख (वय १९) याला पिकअप कापून बाहेर काढले असता औरंगाबाद रुग्वाहिकेवरील डॉक्टर मोरे यांनी त्याला मयत घोषित केले.दरम्यान, जखमींना बाहेर काढण्यासाठी क्रेनची मदत घ्यावी लागली आहे. दरम्यान, या अपघातानंतर पोलिसांनी अपघातग्रस्त वाहनाला हायड्राच्या मदतीने अ‍ॅडमिन बिल्डिंगमध्ये हलवत समृद्धी महामार्गावरील वाहतूक सुरळीत केली आहे.