अकोला : गुरूला सर्वश्रेष्ठ मानणारी आपल्या देशातील संस्कृती. पण या संस्कृतीला काही शिक्षकच काळिमा फासत असल्याचं अकोला जिल्ह्यात उघड झालं आहे. जिल्ह्यातील बार्शीटाकळी तालुक्यात धामणदारी इथे जिल्हा परिषद शाळेत शिकत असलेल्या चौथ्या वर्गातील चार विद्यार्थीनी (मुली) लैंगिक अत्याचाराच्या बळी पडल्यात. याच शाळेतील २ शिक्षकांनी या चारही विद्यार्थिनींवर लैंगिक अत्याचाराच्या केल्याचा आरोप असून या प्रकरणात त्यांच्यावर बार्शीटाकळी पोलीस ठाण्यात गुन्हा दाखल करण्यात आला आहे.
दरम्यान, शिक्षकी पेशाला लाजवणारं हे कृत्य ४ एप्रिल उघडकीस आलं आहे. सुधाकर ढगे आणि राजेश तायडे असं अत्याचाराचा आरोप असलेल्या या दोन्ही शिक्षकांचं नाव आहे. आता या घटनेनंतर सर्वत्र संतापाची लाट उसळली आहे.
काय आहे संपूर्ण प्रकरण?
मिळालेल्या माहितीनुसार, अकोला जिल्ह्यातील बार्शीटाकळी तालुक्यात असलेले धामणदरी गाव अन् गावातील छोटीशी जिल्हा परिषद शाळा. परंतु, इथे शिक्षक क्षेत्रात काळीमा फासणारी घटना समोर आली. चक्क इथे चौथ्या वर्गात शिकत असलेल्या ४ विद्यार्थिनींवर त्यांच्याच शालेय दोन शिक्षकांकडून सतत अश्लील चाळे होत होते. सदर दोनही शिक्षक मुलींना एकटे पाहून आपले कुकर्म साधत होते. वारंवार घडणाऱ्या या कृत्यामुळे अल्पवयीन मुली भयभीत झाल्या आणि त्या घरीच थांबायला लागल्या.
पीडित मुलींपैकी एकही मुलगी शाळेत गेली नाही. घरीच थांबल्या असता, पालकांनी त्यांना शाळेत न जाण्याचं कारण विचारलं. त्या चौघींपैकी एकीने वारंवार घडत असलेला प्रकार आपल्या आईला सांगितला. सदर प्रकार ऐकल्यानंतर कुटुंबींयांना मोठा धक्का बसला. लागलीचं कुटुंबीयांनी बार्शीटाकळी पोलीस स्टेशन गाठलं. बार्शिटाकळी पोलीस स्टेशनचे ठाणेदार संजय सोळंके यांच्यासमोर सर्व घडलेला प्रकार सांगितला. त्यानंतर पोलिसांनी दोन्ही शिक्षकांना पोलीस ठाण्यात आणलं.
दरम्यान, पीडित मुलींच्या तक्रारीनंतर शिक्षक राजेश रामभाऊ तायडे (वय ४५), सुधाकर रामदास ढगे (वय ५३) दोघेही राहणार अकोला यांच्या विरुद्ध विविध कलमान्वये गुन्हा दाखल करण्यात आला
शाळेमध्येच करायचे अश्लील चाळे….
धामणदारी या गावात छोटीशी जिल्हा परिषदेची शाळा आहे. या शाळेवर दोन शिक्षक असून दोघे शिक्षक अकोला येथून ये-जा करतात. कुणी विद्यार्थी शाळेवर आले नसल्याचे पाहून हजर असलेल्या पीडित अल्पवयीन मुली म्हणजेच चौथ्या वर्गात शिकणाऱ्या मुलींना एकट्यात बोलावून अश्लील चाळे केल्यानंतर कुणालाही सांगू नको अशी धमकीही देत होते. मात्र, मुलीने आपल्या आईला घटना सांगितल्यावर पालकांनी आणि गावातील नागरिकांनी बार्शीटाकळी पोलीस स्टेशन गाठले.
दरम्यान, इथे जिल्हा परिषदेच्या शालेयमध्ये मुले व मुली मिळून ९ पटसंख्या असल्याचे समजते अन् या ९ विद्यार्थ्यांना शिक्षण देण्यासाठी हे दोन सुधाकर ढ़गे आणि राजेश तायडे हे दोन शिक्षक कार्यरत होते. दोघेही दररोज शालेयमध्ये हजर राहत नव्हते. आज एक दिवस तर उद्याचा दिवस त्या शिक्षकाचा असायचा. असं दोघांनी ठरवलं होतं. त्यानंतर शाळेत असलेली विद्यार्थ्यांची पटसंख्या कमी म्हणजे नऊ, त्यातही विद्यार्थ्यांची गैरहजर राहायचे. इथे काही मुलींना एकटे पाहून हे दोन्ही शिक्षक त्यांच्यासोबत अश्लील चाळे करायचे.