गौतमीचा ठेका, सत्तार म्हणाले, हुल्लडबाजांना ठोका…

नृत्यांगणा गौतमी पाटील हिच्या कार्यक्रमात छत्रपती संभाजीनगरात प्रचंड गोंधळ झाला. राज्याचे अल्पसंख्यांक व पणन मंत्री अब्दुल सत्तार यांच्या वाढदिवसनिमित्त गौतमी पाटील हिचा नृत्याच्या कार्यक्रम आयोजित केला होता. या कार्यक्रमासाठी हजारोंचा जमाव जमवला. त्यावेळी काही युवकांनी गोंधळ सुरु केला. त्यानंतर अब्दुल सत्तार प्रचंड नाराज झाले. त्यांचा बोलताना तोल सुटला. त्यांनी शिवराळ भाषा वापरणे सुरु केले. गौतमीचा ठेका पाहण्यासाठी आलेले कार्यकर्त्यांना ठोका असे आदेश त्यांनी व्यासपीठावरुन बोलताना दिले.

काय घडला प्रकार

राज्याचे अल्पसंख्यांक व पणन मंत्री अब्दुल सत्तार यांच्या वाढदिवसानिमित्त आयोजित कार्यक्रमात तुफान राडा झाला आहे. यावेळी अब्दुल सत्तार चांगलेच संतापले. त्यांनी व्यासपीठावर जाऊन माईकचा ताबा घेतला. त्यानंतर त्यांना गोंधळ करणाऱ्यांना मारण्याचे आदेश पोलिसांना दिले. यावेळी त्यांनी शिवराळ भाषेचाही वापर केला. ते म्हणाले, हे पोलीस वाले त्या लोकांवर लाठीमार करा. त्यांना इतका मारे की XX तुटून जाईल. त्यांना हाणा, हे खाली बैस…XX तुझ्या बापाने कधी पाहिला कार्यक्रम…असे ते म्हणत होते.

अब्दुल सत्तार आणि वाद

अब्दुल सत्तार आणि वाद हे एक समीकरणच झाले आहे. त्यांच्या मुलीच्या टीईटी परीक्षेवरुन वाद झाला होता. दसरा मेळाव्याला मतदारांना मुंबई वारी करायला लावल्यामुळे ते चर्चेत आले होते. त्यांची जीभ यापूर्वी अनेक वेळा घसरली आहे. काही महिन्यांपूर्वी त्यांच्या समर्थकांनी सिल्लोडमध्ये सामजिक कार्यकर्त्यांना मारहाण केली होती. असंसदीय भाषेत त्यांनी राष्ट्रवादी काँग्रेसच्या नेत्या आणि शरद पवार गटाच्या खासदार सुप्रिया सुळे यांच्यावर टीका केली होती. भाजप नेते हरिभाऊ बागडे यांच्याबद्दल त्यांनी आक्षेपार्ह वक्तव्य केले होते. या सर्व प्रकरणामुळे ते नेहमी चर्चेत राहिले. मुख्यमंत्री एकनाथ शिंदे यांनी त्यांना समज दिली होती.बीडचे तत्कालीन जिल्हाधिकारी राधाविनोद शर्मा यांच्यासोबतचे प्रकरण राज्यभर गाजले होते. शर्मा यांनी मी चहा पीत नाही, असे म्हटले होते. त्यावेळी त्यांनी तर दारू पिता का ? असा प्रश्न विचारला होता. तो व्हिडिओ चांगलाच व्हायरल झाला होता.

पोलिसांकडून सौम्य लाठीमार

राज्याचे अल्पसंख्यांक व पणन मंत्री अब्दुल सत्तार याच्या वाढदिवसानिमित्त गौतमी पाटील हिचा नृत्याचा कार्यक्रम आयोजित करण्यात आला होता. या कार्यक्रमात तुफान राडा झाला. यावेळी पोलिसांना सौम्य लाठीमार करावा लागला. मात्र तरीही प्रेक्षकांनी गौतमी पाटील हिच्या कार्यक्रमात प्रचंड राडा केला. यावेळी अब्दुल सत्तार सुद्धा संतापले. त्यांनी वारंवार खाली बसण्याचे आवाहन केले. कार्यक्रमात काही गद्दार लोक आले आहे. त्यांना पोलीस सरळ करतील आणि कार्यक्रम सुरु होईल, असे सत्तार व्हिडिओत बोलताना दिसत आहे. जोपर्यंत तुम्ही खाली बसणार नाही, तोपर्यंत कार्यक्रम सुरु होणार नाही, असे ते बोलत आहे. परंतु त्यानंतर गोंधळ सुरु होता. यामुळे पोलिसांनी गोंधळ करणाऱ्यांवर सौम्य लाठीमार केला.

गौतमी हिच्या कार्यक्रमात अनेक वेळा गोंधळ

गौतमी पाटील हिने तिच्या आदाकारीने तरुणाईवर मोहिनी घातली आहे. यामुळे तिचा कार्यक्रमासाठी परिसतील तरुणाई मोठ्या संख्येने येत असते. यापूर्वी रिलस्टार म्हणून प्रसिद्ध झालेल्या गौतमी पाटील हिच्या कार्यक्रमात अनेक वेळा गोंधळ झाला आहे. प्रचंड गर्दीमुळे आणि अती उत्साही युवकांच्या हुल्लडबाजीमुळे गौतमी पाटील हिच्या कार्यक्रमात वाद होतो. कधी तिने केलेल्या डन्सवरुन वाद निर्माण झाले आहे. मध्यंतरी तिच्या चेंजिंग रुममध्ये चोरुन चित्रीकरण झाले होते.