शतपावलीला गेले, पण परतलेच नाहीत; पोलीस उपनिरीक्षकाची भररस्त्यात हत्या

पीएसआय सुरज यांची पोलीस दलातील कारकीर्द वादग्रस्त

पीएसआय सुरज विष्णू चंदनशिवे यांची पोलीस दलातील कारकीर्द वादग्रस्त होती. २०१८ मध्ये वारणानगर येथील ९ कोटी रुपये चोरीच्या प्रकरणात सुरज चंदनशिवेंचे नाव समोर आले होते. या प्रकरणात त्यांचे नाव आल्याने पोलीस सेवेतून बडतर्फ करण्यात आले होते. एका वर्षापूर्वी हे निलंबन रद्द करून सांगली मुख्यलायत ते रुजू झाले होते. सांगली मुख्यालयात कार्यरत असताना पुन्हा एकदा दोन महिन्यांपूर्वी पीएसआय सुरज चंदनशिवेंना बडतर्फ करण्यात आले होते.आता एका पोलीस अधिकाऱ्याच्या हत्येमुळे सोलापूर पोलीस दलात खळबळ उडाली आहे. घटनेची माहिती मिळताच एएसपी हिंमत जाधव यांनी घटनास्थळी धाव घेतली आहे. पीएसआय सूरज चव्हाण यांचा मृतदेह सांगोला ग्रामीण रुग्णालयात शवविच्छेदनसाठी दाखल करण्यात आले आहे.