किरीट सोमय्यांना’व्हिडिओ’ सोशल मिडियावर ‘व्हायरल’ झाल्याने विरोधकांनी भाजपला चांगलेच धारेवर धरले होते. विधिमंडळातही त्या ‘व्हिडिओ’वरून मोठा गदारोळ झाला. विधानपरिषदेचे विरोधी पक्षनेते आंबादास दानवे यांनी थेट आपल्याकडील ‘पेन ड्राईव्ह’ सादर करत मोठी खळबळ उडवून दिली. इतकेच नव्हे तर, ठाकरे गटाच्या नेत्यांनीही सोमय्यांवर महिलांच्या शोषणाचे गंभीर आरोपही केले.याप्रकरणी सोमय्यांनी व्हिडिओची सखोल चौकशी करण्याची मागणी केली होती. त्यानुसार गृहमंत्री देवेंद्र फडणवीस यांनी चौकशीचे आदेशही दिले. धक्कादायक म्हणजे चौकशीच्या पहिल्या टप्प्यात हा ‘व्हिडिओ’ खरा असल्याची माहिती मुंबई पोलिसांच्या गुन्हे शाखेच्या युनिट १० चे पथकाने दिली. ही बाब समोर आल्याने काँग्रेस सोमय्यांवर तुटून पडली आहे. त्याचवेळी सोमय्यांचे पाय आणखी खोलात जाण्याची शक्यता आहे.काँग्रेस नेत्या संगीता तिवारी म्हणाल्या,किरीट सोमय्यांना आज पुण्यात आहेत. ते ‘छप्पन भोग’चे जेवण जेवायला पर्वतीत भागातील भाजपाच्या कार्यकर्त्याच्या घरी जेवायला चालले होते. ही बाब पुणे शहर काँग्रेस पार्टी अध्यक्ष अरविंद शिंदे यांना कळली. त्यावेळी काँग्रेसचे सर्व कार्यकर्ते आणि महिला कार्यकर्त्यानी गजानन महाराज चौकात त्यांच्याविरोधात घोषणाबाजी केली. सोमय्यांच्या गाडीवर बांगड्या फेकत आणि काळे झेंडे दाखवत निषेध केला.एका पक्षाचे बेशरम नेते नागडे उघडे व्हिडिओ टाकतात, वाय सिक्युरिटी घेतात त्यांना खरं तर ट्रिपल एक्स सेक्युरिटी दिली पाहिजे, या नेत्याला लाज वाटत नाही एवढे घाणेरडे कृत्य करून तो छप्पन भोग खायला कार्यकर्त्याकडे जातो. अशा शब्दांत तिवारी यांनी सोमय्यांवर हल्लाबोल केला आहे.
