मोगरगा येथे शिवसेनेच्या आरोग्य शिबिराचे उदघाटन

लातूर- संकटकाळात गोरगरीब सामान्य जनतेच्या न्याय हक्कांसाठी लढणारी, त्यांच्या सेवेसाठी तत्परतेने धावून जाणारी शिवसेना एकमेव आहे. असे प्रतिपादन शिवसेनेचे औसा तालुकाप्रमुख तानाजी सुरवसे यांनी आज मोगरगा येथे केले. औसा तालुक्यातील मोगरगा येथे17 जुलै रोजी लातूर जिल्हा शिवसेनेच्या वतीने जिल्हाप्रमुख शिवाजीराव माने यांच्या कुशल नेतृत्वाखाली आयोजित आरोग्य चिकित्सा व नेत्र तपासणी शिबीराचे आयोज  करण्यात आले. त्यावेळी ते बोलत होते.

शिवसेना पक्षप्रमुख आदरणीय उद्धवजी ठाकरे साहेब यांच्या  वाढदिवसाच्या  निमित्ताने शिवसेना लातूर जिल्हा  संपर्कप्रमुख रोहीदास चव्हाण व औसा तालुक्याचे माजी आमदार दिनकरराव माने ,यांच्या मार्गदर्शनाखाली व तालुका प्रमुख तानाजी सुरवसे यांच्या पुढाकाराने संपूर्ण औसा तालुक्यात हिंदुह्रदय सम्राट शिवसेनाप्रमुख बाळासाहेब ठाकरे यांच्या आशीर्वादाने  आणि पक्षप्रमुख उद्धव ठाकरे यांच्या प्रेरणेतून लातूर जिल्हा शिवसेना  व लोककल्याण आरोग्य केंद्र मुंबई यांच्या संयुक्त विद्यमाने शिवसेना नेते खासदार चंद्रकांत खैरे, शिवसेना उपनेते तथा मराठवाडा समन्वयक विश्वनाथ नेरुरकर*  यांच्या सूचनेवरून  औसा तालुक्यातील 105 गावामधे आरोग्य चिकित्सा, नेत्र तपासणी व रक्तदान शिबिरे घेण्यात येत आहेत. आज 17 जुलै रोजी  मोगरगा या गावात आरोग्य चिकित्सा व नेत्र तपासणी शिबिर घेण्यात आले. या शिबिराला नागरिकांचा मोठा प्रतिसाद लाभला.

.यावेळी लोककल्याण आरोग्य केंद्र मुंबई यांच्या टीमचे डॉ.रवींद्र चव्हाण ,डॉ. शरद चव्हाण ,डॉ. शुभम भोसले हे सर्व डॉक्टर्स  आदींची प्रमुख उपस्थिती होती.

यावेळी आरोग्य व नेत्र तपासणी शिबाराबद्धल माहिती देत औसा तालुक्यातील सदर आरोग्य व नेत्र तपासणी शिबिराचा नागरिकांनी लाभ घेण्याचे आवाहन शिवसेनेचे तालुकाप्रमुख तानाजी सुरवसे यांनी केले.तसेच या शिबिरामध्ये सर्दी, ताप, डोकेदुखी, अंगदुखी, गुडघेदुखी, कंबर दुखी या सर्व तपासण्या होऊन त्याच ठिकाणी नागरिकांना औषध उपचार देण्यात आले. यावेळी , शिवसेना औसा तालुका प्रमुख तानाजी सुरवसे, शिवसेना तालुका समन्वय संतोष भाऊ सूर्यवंशी शिवसेना औसा तालुका अल्पसंख्यांक सेलचे अध्यक्ष सलीम पाटील ज्येष्ठ शिवसैनिक तथा कृषी उत्पन्न बाजार समितीचे सभापती शेखर तात्या सोनवणे, मोगरा गावचे सरपंच रवी निकम साहेब ज्येष्ठ संसाधन मार्गदर्शन विलास काळे सर, सुधाकर मुगळे अमीर पटेल, शुभम माडजे, बळीराम उत्के, प्रशांत निकम अमोल लकडे विकास पांचाळ महेश बनसोडे तानाजी निकम पाटील उमाकांत चांदुरे बालाजी पाटील धनु भाऊ चांदुरे ज्ञानेश्वर महादेव गुरव राजू महामुरे, गोविंद माडजे बालाजी माडजे नामदेव जाधव संभाजी चांदोरे खुलास पांचाळ सह   शिवसैनिक गावकरी उपास्थित होते.