“ओरिजनल गद्दारांच्या बॅचला मंत्रिपदं मिळणार नाहीत”, आदित्य ठाकरेंचा शिंदे गटावर हल्लाबोल!

मंत्रीमंडळ विस्तार आणि खातेवाटपावर प्रतिक्रिया देताना आदित्य ठाकरे म्हणाले, “आज सगळ्यात जास्त गंमत याची वाटत होती की, एक वर्षापूर्वीची जी ओरिजनल गद्दारांची बॅच होती, त्यांना मंत्रीपद मिळेल असं वाटत होतं. परंतु आज विधानसभेत त्यांचे चेहरे पाहून त्यांच्या मनात काय आहे, हे त्यांच्या चेहऱ्यावर झळकत होतं.”“मंत्रीपद आज मिळेल, उद्या मिळेल, असं त्यांना वाटत होतं. पण त्यांच्या मागून काही लोक विस्तार करून आले. पण यांचा उद्याप विस्तार होईना. त्यांना मंत्रीपदंही मिळणार नाहीत. त्यांचा (शिंदे गट) काही विस्तार होणार नाही. ओरिजनल गद्दारांना मंत्रीपदं मिळणार नाहीत. यांना खाती मिळणार नाहीत. मंत्रिमंडळाचा विस्तार होणं शक्य नाही. ते आता कधीच मंत्री होणार नाहीत,” असंहीआदित्य ठाकरे म्हणाले.