पिंपरी : २०१९ च्या निवडणुकीत राष्ट्रवादी पक्षाचे नेते अजित पवार यांचे सुपुत्र पार्थ पवार यांना मावळ मधून खासदारकीची उमेदवारी देण्यात आली होती. मात्र, त्यात त्यांना अपयश आले. मात्र अजित पवार यांनी राष्ट्रवादीतून बंड करत शिंदे – भाजप सरकारमध्ये सामील होत उपमुख्यमंत्री पदाची शपथ घेतली. त्यामुळे शिंदे गटाच्या शिवसेनेत कमालीची अस्वस्थता पसरली आहे. त्यातच मावळचे आमदार श्रीरंग बारणे यांनी मावळ लोकसभा मतदारसंघातील उमेदवारीवर पुन्हा एकदा दावा केला आहे. मात्र, त्याचवेळी पार्थ पवार यांना अजित पवार हे मावळमधून उमेदवारी देणार असल्याचे चर्चांना उधाण आले आहेमहायुतीत अजित पवारांची राष्ट्रवादी काँग्रेस सहभागी झाली. त्यानंतर २०२४ ची मावळ लोकसभा निवडणुक मुख्यमंत्री शिंदे गटाचे खासदार श्रीरंग बारणे की उपमुख्यमंत्री अजित पवारांचे पुत्र पार्थ पवार लढणार? याबाबत चर्चा मतदारसंघात रंगली आहे. २०१९ साली पार्थ पवारांना ज्यांच्यामुळं पराभव चाखावा लागला, त्या श्रीरंग बारणेंनी राष्ट्रवादी आमच्या महायुतीत असली तरी २०२४ लोकसभा निवडणुकीत मीच उमेदवार असणार,असं म्हणत आत्ताच दावा ठोकला आहे. त्यामुळं पार्थ पवारांचं काय होणार? असा प्रश्न यानिमित्ताने उपस्थित झाला आहे.
शिंदे – फडणवीस सरकारमधील मावळ लोकसभेचा उमेदवार मीच असा दावाच श्रीरंग बारणे यांनी केला आहे. शिंदे आणि फडणवीस यांच्यासोबत चर्चा झाली असून त्याच्यामध्ये कोणातही बदल होईल असे वाटत नसून आपणच मावळ लोकसभेचा उमेदवार असल्याचा दावा बारणे यांनी केला आहे. पार्थ पवार यांना अजित पवार निवडणुकीसाठी कुठून उमेदवारी देतात हे अद्याप जरी स्पष्ट झाले नसले तरी मावळ लोकसभेची सध्या जोरदार चर्चा सुरू आहे.