पुणे : अमरावतीमध्ये कार्यरत असलेले पोलीस सह आयुक्त भारत गायकवाड यांनी आपल्या पत्नी आणि पुतण्याचा गोळी घालून हत्या केली आणि त्यानंतर स्वत:ला गोळी घालून आत्महत्या केली. या घटनेमुळे पोलीस दलात एकच खळबळ उडाली आहे. अमरावतीमध्ये कार्यरत असल्याने भारत गायकवाड हे सुट्टी घेऊन पुण्यात आले होते. गायकवाड जेव्हा सुट्टी घेऊन पुण्यात येतात तेव्हा त्यांचा पुतण् दीपक हा त्यांच्यासाठी मटण घेऊन बाणेर येथे जात असे. यावेळी पुतण्याला थोडी देखील कल्पना नव्हती की, त्याच्या सोबत काय होणार आहे. दीपक गायकवाड (वय ३४ रा. धायरी पुणे) असे मृत्यू झालेल्या पुतण्याचे नाव आहे. भारत गायकवाड हे अमरावती येथे पोलीस सहाय्यक आयुक्त (ACP) म्हणून कार्यरत होते. त्याचे घर पुण्यात आहे. शनिवारी सुट्टी म्हणून ते पुण्यात आपल्या घरी आले होते. काका म्हणजे भारत गायकवाड जेव्हा पुण्यात येतात त्यावेळी त्याचा पुतण्या दीपक गायकवाड त्यांच्यासाठी न चुकता मटण घेऊन जात असतो. काल (रविवारी) रात्री घरातील सर्वांचे जेवण झाल्यानंतर दीपक गायकवाड हा पाऊस सुरू असल्याने धायरी येथील आपल्या घरी जाऊ शकला नाही. तो काका भरत गायकवाड यांच्या बाणेर येथील घरी थांबला.
बाणेर येथील घरात काका भरत यांच्यासह त्यांची आई, पत्नी मोनी गायकवाड लहान मुलगा आणि पुतण्या असे ५ जण होते. जेवण केल्यानंतर भारत आणि त्याच्या पत्नी मोनी गायकवाड हे त्यांच्या खोलीत गेले. खोलीत गेल्यानंतर भारत गायकवाड हे मद्य पित होते. पहाटे ३ वाजता अचानक वाद झाल्याचा आवाज आला, भारत गायकवाड यांनी पहिल्यांदा स्वत:च्या छतावर गोळी झडली. गोळीच्या आवाजाने कुटुंबातले सगळे लोक खडबडून जागे झाले. त्यानंतर मुलगा आणि पुतण्या याने दरवाजा वाजला, मात्र आतून वाद वाढल्याचा आवाज येत होता. त्यानंतर मुलाने रुमची दुसरी किल्ली आणली दरवाजा उघडण्याचा प्रयत्न केला, तेव्हा रुममधून पुन्हा गोळी झाडण्याचा आवाज आला.मुलाने रुमचा दरवाजा उघडला आणि पुतण्या दीपकने आधी खोलीत गेला. तेव्हा भरत गायकवाड यांनी त्याला गोळी मारली. मुलाने रुममध्ये पाहिले असता त्याची आई मोनी गायकवाड गोळी लागून खाली पडली होती. त्यानंतर आई आणि मुलाने भरत यांना अडवण्याचा प्रयत्न केला पण त्यांनी सर्वांना बाहेर ढकलून दिले आणि स्वत:ला गोळी मारून आत्महत्या केली. या घटनेत पहिली गोळी भारत गायकवाड यांनी छतावर झाडली. दुसरी गोळी पत्नी मोनीवर झाडली ज्यात त्यांचा मृत्यू झाला. तिसरी गोळी पुतण्या दीपक गायकवाड यांच्यावर झाडली. चौथी गोळी कुटुंबियांना घाबरवण्यासाठी तर पाचवी गोळी स्वत:वर झाडून घेतली.