कुठे गाव होतं समजणारही नाही, सगळीकडे भुईसपाट मातीच – माती

खालापूर तालुक्यातील इर्शालवाडी गावात रात्री जवळपास ११ वाजता ही भीषण दुर्घटना घडली. इर्शालवाडी हे संपूर्ण गाव झोपलेलं असताना दरड कोसळली आणि होत्याचं नव्हतं झालं. आतापर्यंत ७५ जणांना वाचवण्यात यश आलं आहे

मिळालेल्या माहितीनुसार, भूस्खलनात जखमी झालेल्या २० ते २५ लोकांना नवी मुंबतील एका रुग्णालयात दाखल करण्यात आलं आहे. या दुर्घटनेत जखमी झालेल्या लोकांचा खर्च सरकार करणार आहे.

रायगड जिल्ह्यातील इर्शालगडाच्या पायथ्याशी असलेल्या चौक गावापासून ६ किमी अंतरावर मोरबे धरणाच्या वरच्या भागात इर्शालवाडी हे आदिवासी बांधवांचं गाव आहे. या गावात आदिवासी ठाकूर समाजाची अनेक घरं आहेत. ही घरं भूस्खलनात गाडली गेली आहेत. प्राथमिक माहितीनुसार या वाडीतील ९० टक्के घरं ढिगाऱ्याखाली गाडली गेली आहेत.

मुसळधार पावसामुळे बचाव कार्यात अडथळे