राज्यासाठी पुढचे २४ तास धोक्याचे…

मुंबई : गेल्या दहा दिवसांपासून विश्रांती घेतलेला पाऊस पुन्हा सक्रिय झाला असून आठवडाभर राज्यात पावसाचा अंदाज हवामान खात्याकडून वर्तवण्यात आला आहे. गेल्या दोन दिवसांपासून राज्यात झालेल्या मुसळधार पावसामुळे कोकणातील अनेक जिल्ह्यांमध्ये पुराचा धोका आहे तर काही ठिकाणी नदी-नाल्यांनी धोक्याची पातळी ओलांडली आहे. अशात हवामान खात्याकडून पुढच्या काही तासांमध्ये महत्त्वाच्या शहरांना मुसळधार पावसाचा इशारा दिला आहे.हवामान खात्याने दिलेल्या माहितीनुसार, कोकणातील काही भागात तीव्र पावसाच्या सरी बरसतील. तर रायगड, रत्नागिरी, सिंधुदूर्ग आणि उत्तर विदर्भात पुढच्या ३-४ तासांमध्ये मुसळाधार पावसाची शक्यता वर्तवण्यात आली आहे. इतकंच नाहीतर पश्चिम मराठवाड्यातील काही भाग घाटाजवळ आणि ऐन मध्य महाराष्ट्राच्या काही भागांत जोरदार पावसाचा अंदाज आहे. तर मुंबई, पुण्यालाही पुढच्या काही तासांमध्ये मुसळधार पावसाचा इशारा देण्यात आला आहे. यामुळे नागरिकांनी पावसाचा अंदाज घेत घराबाहेर पडावं, अशा सूचना हवामान खात्याकडून देण्यात आल्या आहेत.

https://twitter.com/Hosalikar_KS/status/1681523242450948098?ref_src=twsrc%5Etfw%7Ctwcamp%5Etweetembed%7Ctwterm%5E1681523242450948098%7Ctwgr%5E2659f8bcf6525e4375dd9b21f9d526c298e20318%7Ctwcon%5Es1_c10&ref_url=https%3A%2F%2Fmaharashtratimes.com%2Fmaharashtra%2Fmumbai-news%2Fmaharashtra-rain-weather-forecast-live-updates-mumbai-orange-alert-flood-in-konkan-and-vidarbha%2Fliveblog%2F101903648.cms