सहारा इंडियामध्ये गुंतवणूक केलेल्यांसाठी आनंदाची बातमी, उद्यापासून मिळणार पैसे; जाणून घ्या कसे

नवी दिल्ली: सहारा इंडिया ग्रुपच्या कंपन्यांमध्ये तुमचे देखील पैसे अडकले आहेत का? याचे उत्तर ‘हो’ असेल तर तुमच्यासाठी एक आनंदाची बातमी आहे. ज्यांचे पैसे सहारामध्ये अडकले आहेत अशा लोकांसाठी त्याचे पैसे परत मिळण्यासाठी एक पोर्टल सुरू केले जाणार आहे. या पोर्टलचे उद्घाटन उद्या १८ जुलै रोजी सकाळी ११ वाजता केंद्रीय गृहमंत्री अमित शहा यांच्या हस्ते अटल अक्षय उर्जा भवन येथे होणार आहे.या पोर्टलचा उद्देश गुंतवणुकदारांचे पैसे परत देणे असा आहे. ज्या गुंतवणुकदारांच्या योजनेचा कालावधी पूर्ण झाला आहे, अशा लोकांना या पोर्टल द्वारे पैसे परत मिळू शकतील. जाणून घेऊयात याची प्रोसेस काय आहे.सहारा इंडियामध्ये देशातील लाखो नागरिकांचा पैसा अडकला आहे. सहाराच्या अनेक कंपन्यांमध्ये लोकांचा पैसा अडकून असून ते मोठ्या कालावधीपासून पैसे परत मिळण्याची वाट पाहत आहेत. ज्या लोकांच्या गुंतवणुकीचा कालावधी पूर्ण झाला आहे, त्यांना लवकरात लवकर पैसे परत मिळतील. यासाठी सरकार रिफंड पोर्टर लॉन्च करत आहे. सहारा इंडियाच्या गुंतवणुकदारांनी सरकारला या प्रकरणी हस्तक्षेप करण्याची मागणी केली होती.त्यानंतर आता सरकारने पोर्टलच्या माध्यमातून पैसे परत करण्याबाबत पाऊल उचलले आहे